heidegger’s hoose
here
ye are caa’d
an
yer name is weel-roundit
ye
birl i the clean set o the circle
whaur
stert an finis are aawhaur the same
a
thraw in which there is nae thraw
nor
joukerie
a
staun i the lown hert o yer ingaun
a
steid o stillness at gaithers in itsel
yer
guid farrin
the
ruit an rise o aa ye are…
poetically
man dwalls
leavin
no juist mairks buit meanins
yon
orraster, wha
stauns
in the pairk an straiks e’s heuk
maks
hale the pairts
gies
vice ti the land
piotr
golubowski, forestar
lichtens
a swaird ti lat siplins furthschaw
i
the skail o the sun
an
whit am a buit a lichtenin o the forest
whaur
a warl micht cam ti staun
an
ken itsel